LINYION

Sa fè lonta depi yo separe nou

Depi lè nou te kite tè lafrik O

Lè kolon pran nou mare nou tankou bèt

Pou yo te fè nou kwè ke nou pa sanble

Pou yo te fè nou kwè ke nou san valè



Se pa vre lan Ginen nèg te trayi nèg

Se pawol pou yo fè nou ret divize

Pou pa janm gen renmen

Pou pa gen linyon

Sa fè lontan depi yo separe nou

Divize nou pou yo ka toujou renye



Jodi ya nou konprann e nou jire

Jodi ya nou konprann e nou jire

Si nou la sè ke nou sanble

Si nou sanble sè ke n ka renmen

Lan renmen na va jwen linyon

Linyon va di yo sa nou ye sou la tè

Linyon va di yo sa nou ye



John Steve Brunasch dixit:

" Moun yo valè yo bote yo la siyans zèv atistik yo eritay kiltirèl yo lan sivilizasyon yo se sa ki yon nasyon,

Moun yo ti moun yo gran moun yo Lanmou ki makonen la vi lan sosyete sekirite ak la jistis lan respè dwa la vi tout moun yo se sa ki fè yon nasyon "



Tout gason tout fanm peyi Dayiti

Fok nou kanpe kale je nou gade solèy

Tout gran moun ak jenn moun lan peyi ya

Fok nou kanpe poun reklame tout dwa nou

Jire pou nou toujou kale je nou lan je tout moun

Jire pou nou toujou renmen poun toujou gen linyon



Jodi ya nou konprann e nou jire(bis)

Si nou la sè ke nou sanble

Si nou sanble sè ke n ka renmen

Lan renmen na va jwenn linyon

Linyon va di yo sa nou ye sou la tè

Iye iye iye ♪♪♪


John Steve Brunasch,Copyright (c) 2009
Icono-klas

Chimen Limyè

Yon gwoup atis yon gwoup sanmba leve yon maten yon pran lari
Tonbe chante tonbe pale jouwe tanbou pou sa chanje
pou lanmou pa mouri pou nou sove yon nasyon
Pou lanmou pa mouri sove nasyon an

Yo tap pale yon bèl pawòl ke tout ti moun yo te renmen
Pawòl sila te vle sanble miray Jeriko ki tonbe♫ woy yoy

Sanba yo rele sanmba yo tonbe lan lari lan prizon
Yo mouri lan raje
Sanmba yo rele rele rele la hey ♫hey hey hey

Yon gwoup zanfan ki fè yon rèv an de mil kat te pran la ri
Yon rèv renmen yon rèv la pè kote nou tout pitit solèy
Te vin sove lanmou pou lanmou pa mouri
Poun sove yon nasyon

Yo tap chante yon chant daki ke tout nasyon wan te renmen
Chante sila te vle sanble ak la konsyans-revolisyon woy wo yo ♫
Sanmba yo rele sanmba yo tonbe lan lari lan prizon
Yo mouri lan raje
Sanmba yo rele rele rele la hey ♫ hey hey hey

An de mil kat (wo yoy) sanmba yo pran la ri
Pou yo sove yon nasyon
Chanje mantalite yo
Lan de mil kat ♫wo yoy♪♪
Sanmba yo pran la ri
Pou yo sove yon nasyon
Chanje mantalite yo
Chèche chimen la vi chemen lanmou chimen limyè (hit)...

Pawòl ak mizik
John Steve Brunasch
Copyright(C) 2009 Icono-klas

Mèsi Bondye

Mèsi Bondye gade ki jan la rivyè koule koule yeahye

Nanm yo pouse konsyans leve

Enkredil yo wè limyè ya

Mach atè yo mesye kondè yo tande pawòl la



Gade moun yo pale yo pa rete bouch be

Gade moun yo mache yo pa rete kanpe

Mwen voye je gade ta sanble yap souri

Gade moun yo chante yo jwenn yon melodi

Chak jou Bondye mete lèm priye

Mwen mande pou yo bayo lanmou

Chak jou Bondye mete lèm pale

Mwen di yo fratènite toujou

Se sak fè lòt yo va respekte nou

Lè sa na wè la vi nou sanble diyite



Gade je yo louvri pou yo gade limyè

Tout tèt yo an avan yo pa gade dèyè

L'union c'est l'amour des saisons

Dans nos mains point de trahison

Chak jou Bondye mete lèm priye

Mwen mande pou yo bayo lanmou

Chak jou Bondye mete lèm pale

Mwen di yo fratènite toujou

Se sak fè lòt yo va respekte nou

Lè sa na wè la vi nou sanble diyite



Mèsi Bondye gade ki jan la rivyè koule koule yeahye

Nanm yo pouse konsyans leve... (hit) (Bis)



John steve Brunasch, Copyright(C) 2009 Google BlogIcono-klas